مصطفى بكري للحكومة: المواطن بيعاني من ارتفاع الأسعار

قال الإعلامي مصطفى بكري، إن الدولة تواجه تحديات صعبة وخطيرة في الداخل والخارج، مشيرا إلى أنه متعاطفا مع المواطنين في الشارع لرفضهم الغلاء في الأسعار بمختلف أنواعها.

وأضاف بكري، خلال برنامج حقائق وأسرار، المذاع على قناة صدى البلد: "الحكومة بتصدم المواطن مع رفع الأسعار في وقت واحد، وبتقول للمواطنين أنا بكافئ اللي وقف معايا، ولا بد أن يكون هناك حس اجتماعي، والإحساس بالناس الشقيانة واللي اتحملت نتائج وتبعات الإصلاح الاقتصادي منذ عام 2016، وكان عندهم أمل الخروج من هذه الأزمة".

وتابع أن هناك جهدا مبذولا من قبل الحكومة ولا أحد ينكره، قائلا: "لكن في المقابل لا تقسو على المواطن كده، بالحجم والتركيبة دي، دي صدمة، المواطن بيقول دلوقتي إيه اللي حيلتي، الجنيه بقى بنصف قيمته، وكمان الأسعار بقت نار، شوفوا التجار بيعملوا إيه".

وأكمل: "شوفوا المواد الغذائية وصلت لفين، الناس عايزه الستر، ولما ابنهم يطلب حاجة يقدروا عليها، عايزين فرخة يقدروا يجيبوها، والسكر والشاي يكونوا موجودين، عايزين يكفوا احتياجاتهم، ومواصلة كويسة، ودفع إيجار البيت".

ووجه بكري حديثه للحكومة قائلا: "احسبي الحسبة دي، أكيد 5 أو 6 أضعاف المرتب الذي بيحصل عليه المواطن مش بيكفي أو بيكفي بالعافية بعد ارتفاع الأسعار".