بيستفزوا الشعب.. مصطفى بكري: مينفعش الغلاء يبقى بالشكل الجنوني ده

علق الإعلامي مصطفى بكري، على ارتفاع أسعار بعض السلع والخدمات على مدار الأيام الماضية.

وقال بكري، خلال برنامج «حقائق وأسرار»، المذاع على قناة صدى البلد: «إحنا مع الشعب ومن الشعب، بروح كل شهر قريتي بقنا، وبشوف إزاي فيه ناس كانت مستورة مبقتش مستورة، فيه ناس تعبانة».

ووجه رسالة إلى الحكومة قائلا: «تعالوا يا جماعة منستفزش الشعب المصري، ومنخليهوش يحس باليتم، نخلى الطبقة المتوسطة ميسورة، صحيح المشروعات القومية حملت الدولة عبئا كبيرا لكن في المقابل وفرت فرص عمل لـ 5 ملايين، وكان يجب أن يتم تنظيمها بشكل أفضل».

وأكمل: «مينفعش الغلاء يبقى بالشكل الجنوني ده، عشنا عشان نشوف البصل بـ 45 كيلو»، متابعا: «وفقا للمعلومات فيه أطروحات جاهزة هتحل مشكلة الدولار بينها مشروعات استثمارية كبرى، هناك اتجاه من العديد من مؤسسات التمويل الدولي لدعم مصر باعتبارها حجر الزاوية، والأحداث الجارية تؤكد أن مصر بوابة السلام».