السيسي للمصريين: «لازم تعرفوا إن بلدكم كانت هتضيع في 2011 »
وجه الرئيس عبد الفتاح السيسي، رسالة للشعب المصري، قائلا : « لازم تعرفوا إن بدلكم كانت هتتخرب وتضيع في 2011، معقبًا : « أنا لن أنسى 2011 والمفروض يا مصريين متنسوهاش أبدًا في كل إجراء وخطوة تتحركوها».
وأضاف السيسي، خلال كلمته على هامش افتتاح التوسعات الجديدة والتطوير لمصنع كيما للأسمدة، اليوم الثلاثاء، مواصلًا حديثه للمصريين: « اللي أنقذكم وأنقذ البلد ربنا وحده من مصائر الخراب والدمار لأجل خاطر الـ 100 مليون والبسطاء، يبقى إحنا نكرر نفس المسار تاني، لا والله».
وتابع: « أنا عارف إن كلامي بيزعلكم ، أنا بحاجي عليكم وخايف عليكم من الضياع سواء مسئولين أو شركات ، متزعلش غير من نفسك أنك تكون سبب خراب ودمار بلدك».
وشهد الرئيس عبد الفتاح السيسي، افتتاح التوسعات الجديدة والتطوير لمصنع كيما للأسمدة.
وتفقد الرئيس السيسي صباح اليوم، الثلاثاء، مصنع اليوريا ونترات الأمونيا بمنطقة كيما بمحافظة أسوان.
