ثراء جبيل تشكر تامر حسني بعد مشاركتها في «موحشتكيش»
عبرت الفنانة ثراء جبيل، عن سعادتها بمشاركتها في فيديو كليب أغنية تامر حسني، الجديدة «موحشتكيش»، التي طرحت خلال الساعات القليلة الماضية، عبرموقع «يوتيوب».
وطرحت ثراء جبيل جزءا من الأغنية، عبر حسابها الرسمي على «إنستجرام»، وعلقت: «أخيراً الكليب نزل، أنا سعيدة جداً لاختياري إني أكون جزء من كليب للفنان اللي بحبه أوي وبحب أغانيه وبيضحكني من قلبي، استمتعت بكل لحظة في الأغنية».
وبعثت "ثراء" رسالة شكر لتامر حسني، قائلة: «شكراً ليك يا تامر على اهتمامك وإحساسك بكل تفصيلة، عشان كل اللي حواليك يطلعوا بالصورة الراقية دي».
وكان ظهور الفنانة الشابة ثراء جبيل، مع تامر حسني، بمثابة مفاجأة للجمهور، والأغنية من كلمات أمير طعيمة، وألحان وتوزيع أحمد إبراهيم، ماستر علي فتح الله، وتقول كلمات الأغنية:
شكل المكان زي ما كان
متغيرتش حاجات كتير
شايف بعيني ذكريات
من قلبي حبيتها بضمير
أجمل سنين أنا عيشتها كانت هنا
كل اللي ناقص في المكان إنتي وأنا
وتفاصيل كتير مش ممكن
أحسها من غيرك ..
معقول أكون موحشتكيش !!؟
من يوم بعادنا مش بعيش
رغم الفُراق مفارقتنيش
بعدك خالص واقفه الحياه
من بعد حضنك حضني مات ..
وكلامي يشبه للسكات
فاضلي منك ذكريات .. ذكريات .. آه
واللي فاضلي مني آه
بيلف صوتك في المكان
لسه صورنا على الرفوف
وكلام كتبته من زمان
وضحكتك بين الحروف
إسمك حبيبتي في كل لحظة أنا بنطقه
إحساس بعادك كل يوم أنا برفضه
ولا عمر قلبي في يوم هيحس
بواحده تانيه غيرك ..
معقول أكون موحشتكيش !!؟
من يوم بعادنا مش بعيش
رغم الفُراق مفارقتنيش
بعدك خالص واقفه الحياه
من بعد حضنك حضني مات ..
وكلامي يشبه للسكات
فاضلي منك ذكريات .. ذكريات .. آه
واللي فاضلي مني آه
