غادة عبد الرازق: مي عمر من حقها تقف مع زوجها ضدي

وجهت النجمة غادة عبد الرازق رسالة للصحفين والإعلاميين من خلال لقائها مع الإعلامية فاطمة مصطفى في برنامج "الراديو بيضحك" المذاع عبر راديو 9090، بعدم سؤالها مجددا عن خلافها القديم مع المخرج محمد سامي.

وقالت: "عايزة أقول للصحفيين بلاش تسألوا مرة ثانية في الموضوع، المفروض تقدموا الجديد والحاجات الحلوة، هتفضلوا طول عمركم عايشين على القديم؟".

وتابعت: "إحنا بقينا في 2024 حرام عليكم، الناس هتعيش في الفضاء السنة الجاية، وإنتو بتتكلموا في غادة عبد الرازق ومحمد سامي!".

وأضافت: "آخر مرة في برنامج كان في سؤال مش لطيف عن تصريح لمي عمر، وقلت عندها حق تدافع عن زوجها، أنا وأخويا على ابن عمي، وأنا وابن عمي على الغريب. هل عايزها تسيب زوجها أبو عيالها علشان غادة عبد الرازق، أنا لو مكانها هعمل كده".