غادة عبد الرازق: اتخانت من أقرب الناس

فجرت الفنانة غادة عبد الرازق، مفاجئة عن كواليس تعرضها للخيانة من صديقتها، خلال حوارها ببرنامج "الراديو بيضحك" على راديو 9090.

وكشفت غادة، قائلة: "أنا عاطفية جدًا ودمعتي قريبة، وقوتي إني لما اتهزم أقف تاني، ولكن قوتي مش في إني مؤذية أو شريرة، أنا مش عارفة أبقى لئيمة".

وأضافت: "عارفة يعني إيه يبقى عندي 53 سنة ومعنديش أصحاب؟ كان عندي صاحبتي خسرتها من 25 سنة وقاطعتها 6 سنين علشان اتكلمت عليا ومن سنة عملت نفس العملة تاني وسمعتها ومتسجل ليها، ليه أنا عملت فيها إيه؟ ولا خربت بيتها ولا خدت جوزها دي لو كانت طلبت عنيا كنت اديتهالها، قعدت أقول استغفر الله العظيم ربنا مبيديش كل حاجة، خلاص أنتي مالكيش رزق ولا في أصدقاء ولا في حياة عاطفية، أنا خلاص أٌنهكت".

وأشارت الفنانة غادة عبد الرازق إلى علاقتها بابنتها روتانا، قائلة: "أنا بحب بنتي روتانا جدا وهي أهم نعمة في حياتي كلها، وبحمد ربنا عليها طول الوقت، لكن مش ها أكذب أنا كان نفسي في ولد، وكانت أمنية كبيرة عندي".

وأضافت غادة عبد الرازق: "عندي ابن اختي بمثابة ابني بالظبط، ولو جاله دور برد بتجنن عليه وبخاف جدا".