عمرو سعد: «تراث مصر لا يوجد مثله في العالم »
يتواجد الفنان عمرو سعد، في روسيا لتصوير أحدث أعماله الفنية، وخلال تواجده هناك لاحظ الانطباعات الإيجابية عن الشعب الروسي عن مصر بعد احتفالية نقل المومياوات.
وكتب على صفحته الرسمية عبر موقع التواصل التواصل الاجتماعي «فيس بوك»، قائلًا: «أنا حاليًا في موسكو عندي تصوير واحد من الروس اللي شغالين معايا قاللي ان اولاده وأصدقاءهم سافرو مصر لما شافوا جزء من احتفالية نقل المومياوات الملكية، وقعد يحكي قدي ايه حصل ليهم سحر وانبهار بمصر لقيت نفسي طلعت الموبايل وفتحت ملف صور خاص عندي عن مصر فيه ٩٠ صورة جميلة».
وأضاف: «لقيت الراجل مذهول وقال مصر بلد كبير وعظيم، أنا بقى جه علي بالي الراجل الرائع المخلص محمد السعدي واللي بيقدم اجمل وابهي صورة عن مصر واللي قدر يحقق اللي ملاييين من الشباب بيحلموا بيه وهو أن الناس بره مصر تعرف مصر الحلوة وتحس بقيمة وعظمة الناس والارض والمكان علشان تاخد المكانه اللي تستحقها».
واختتم حديثه قائلًا: «وأنا شوفت محمد السعدي قد ايه بيشتغل هو وكل التيم بتاعة بجهد رهيب وشياكة علشان مصر مش صحراء وهرم وجمل وعشوائيات، مصر حضارة وتاريخ وشياكة وكرم وتنوع وشمس ومناخ وناس طيبين بيعشقوا الغريب، مصر مكان ومكانه وكرامه تراث مافيش زيه في العالم، وحاضر بيتطور بدراع الناس الجدعان الوطنيين والمخلصين».
وفي سياق آخر أنتهى عمرو سعد، مؤخرًا من تصوير مشاهده في مسلسل «الجسر»، الذي دخل غرف المونتاج والمكساج استعدادًا لعرضه على أحد المنصات الإلكترونية خلال الفترة المقبلة.
ويضم مسلسل «الجسر» مجموعة من النجوم منهم نيللي كريم ومحمد علاء وخالد كمال وسارة الشامي ومها نصار، وتدور أحداث العمل في إطار الفانتازيا، حول ما وصل إليه البشر بعد انتهاء الحياة على كوكب الأرض.
