الرئيس السيسي للمواطنين: أي تحدي وصعوبات هتعدي لو إحنا مع بعض
قال الرئيس عبد الفتاح السيسي، إن أحداث عام 2011 كانت تستهدف أنه يكون الشعب فى مكان والحكومة فى مكان آخر "ضد بعض".
وأضاف السيسي، خلال كلمته باحتفالية عيد الشرطة: "يعني يبقى إحنا وأنتوا، يبقى الشعب في مكان والحكومة في مكان تانى.. الشعب في مكان والداخلية في مكان.. تقليب الرأى العام يقوم بدور سلبي ويحفز ويدفع ويسيئ للأجهزة والدولة حتى يقوم الرأى العام مثل فى 2011، واللي حصل للشرطة مش اقتحام سجون، قعدنا نرمم العلاقة بين الشعب والشرطة والدولة سنتين تلاتة ولم يكن أمر يسير وسهل".
وتابع: "بقول الكلام لازم دايما صف واحد ومكان واحد وكتلة واحدة.. أي تحدي وصعوبات هتعدي لو إحنا مع بعض".
