أحمد العوضي: «ياسمين ست جدعة وما سبتنيش فترة تعبي»
قال الفنان أحمد العوضي في اتصال هاتفي مع الإعلامي شريف عامر ببرنامج «يحدث في مصر» المذاع على فضائية «إم بي سي مصر» مساء الأربعاء: «الكلام اللي اتقال كان كتير هو اهتمام بالحالة الصحية، أنا كنت بصور طول الوقت وبطلع من التصوير على التمرين والعكس».
وتابع: «جالي دور برد وأهملت فيه وأنا اتعافيت على نفسي لغاية ما حصلي ارتفاع في درجة الحرارة ورعشة وروحت للدكتور وقالي لازم أتحجز 4 أيام في المستشفى علشان الإهمال اللي بعمله ودخلت واتحجزت وأنا هخرج بكرة إن شاء الله».
وأضاف: «أنا وياسمين حالة خاصة والعالم كله كان معانا حتى أعلنا انفصالنا بشكل رسمي، وأول ما ياسمين سمعت إن أحمد تعب في التصوير كلمتني وكانت أول واحدة قولتلها أنا روحت المستشفى وقعدت معايا وكانت كل يوم معايا وده مش جديد عليها وهي ست أصيلة وفي بينا احترام وأصل، وكل اللي بيتقال عنا أنا بفسره حب حتى لو كان غلط».
