حمو بيكا يهاجم العسيلي: مش سامعلك حاجة في السوق
هاجم مؤدي المهرجانات الشعبية حمو بيكا، الفنان محمود العسيلي، خلال استضافته في برنامج ورقة في ملف الذي يقدمه الإعلامي هيثم بسّام على قناة النهار، وذلك ردًا عليه بعد تصريحه الأخير الذي أشار خلاله انتهاء موضة المهرجانات.
ورد بيكا على انتقاد العسيلي للمهرجانات، قائلا: "يبقى هو كمان موضته اتغيرت وأنا كمان مش بسمعله حاجة في السوق، لو نزلت دلوقتي الشارع وقولت تعرف حمو بيكا ولا محمود العسيلي هيقول حمو بيكا، هو اتكلم عن عصام صاصا وقال فيه واحد اسمه عصام صاصا طالما عرفته يبقى سمعته، إحنا بنحترمك واللي يحترم يُحترم".
وتابع حمو بيكا: "مينفعش حد يجبلي سيرتك وأقول موضة قديمة هتنتهي يبقى أنا مش سامعلك أي حاجة في السوق".
وأردف حمو بيكا عن تعامله مع الفنان مصطفى كامل نقيب المهن الموسيقية، قائلاً: "بحبه جدًا وحد محترم وهو اللي واقف جمبنا وكان نفسنا في ده من زمان وساعدنا وكفاية لو الساعة 3 الفجر أو 5 الفجر وعندي مشكلة واتصلت بيه بيرد عليا وأقوله والاقيه باعتلي مناديب وناس نزلالي بتحللي مشكلة ومتابعنا خطوة بخطوة وربنا يخليه لينا".
وصرح "بيكا" أنه يستعد لجولة حفلات في أوروبا، ومن المقرر إحيائه حفلات في كل من امستردام وبرشلونة وباريس ومن ثم قطر وتركيا والإمارات وذلك خلال الفترة المقبلة، مضيفًا: اللي سافر برا مننا تلاتة بس أنا وعمر كمال وحسن شاكوش.
