حمو بيكا لمنتقدي سبوع ابنته: «ربنا يديني والناس تتغاظ تاني»

وجه مؤدي المهرجانات حمو بيكا رسالة لكل منتقدي الاحتفال بسبوع ابنته خلال لقائه في برنامج ورقة في ملف عبر شاشة قناة النهار، قائلًا: "ربنا يديني واعمل تاني والناس تتغاظ تاني، بس أنا مش بتعمد أضايق حد، وفيه ناس بتعمل أكتر من كده وبقول ربنا يديني وأعملها أكتر وأكتر وربنا بيديني، اللي يبص لعيشة الناس تحرم عليه عيشته".

وقال بيكا: "كنت بعمل أغاني وبنام في الصحراء وكنت بشتغل نجار مسلح والأغاني بتاعتي شغالة وبردو وأنا سواق توكتوك ومسبتش التوكتوك وأنا ببيض محارة وبمشي في الشارع أسمع أغاني بتاعتي في الشارع".

وأضاف "حمو بيكا": "بحلم أكون مرتاح ومستور بس ومش هكمل كل الغنا ده طول الـ 10 سنين الجايين ومحتاج أعمل مصلحة عشان أفضل في الحتة اللي أنا فيها".

وتابع بيكا: "وشوفت كتير فنانين مش معاهم ومش عاوز أوصل للمرحلة ديه، ويبقى أنا مش هقعد هنا لو وصلت للمرحلة ديه، وهكافح ولسه فيا نفس وهكمل المشوار".

وأضاف حمو بيكا عن خوضه تجربة التمثيل: "هعمل مسرحية بإذن الله في شهر مارس الجاي في السعودية، أنا ورامز جلال، ولو دخلت مجال التمثيل هنجح طبعًا، بس اتحط في المكانة والحتة بتاعتي، والناس طالبة مني إني أمثل".

وعن رأيه في خوض مؤدي المهرجانات الشعبية كزبرة لمجال التمثيل مؤخرًا في فيلم الحريفة، قال بيكا: "كزبرة عنده موهبة التمثيل، ليه منقفش جمبه ونساعده يكمل في المسيرة؟".