منى زكي: «ارتديت حجاب غير متزمت وعجبني جدًا»
ظهرت الفنانة منى زكي بصحبة أبطال فيلم "رحلة 404" في برنامج "صاحبة السعادة" مع الإعلامية إسعاد يونس، وكشفت منى عن الكثير من تفاصيل العمل الذي طرح مؤخرًا في دور العرض السينمائية وأيضًا تحدثت عن دعم زوجها لها.
وقالت منى خلال اللقاء: "أحمد حلمي هو أكتر حد بيساندني وبيدعمني من أول ما اتجوزنا وده لأنه جواه فنان مختلف ومتنوع فهو سند كبير ليا، ودايما موجود معايا".
وكشفت منى زكي تفاصيل تعاقدها على فيلم رحلة 404، إذ قالت: "مفيش حاجة قلقتني من التعاقد على الفيلم ومكنش وقتها في سوشيال ميديا وشايفة إنه الفيلم حلو أوى وشبه السينما اللى بيقدمها داود عبد السيد من ناحية الورق، ومكنتش خايفة بس خوفت بعد كده".
وعن ظهورها بالححاب في ثلاثة أعمال مختلفة قالت: "كل المحجبات مش بيكونوا نفس الشكل، وإحنا في فيلم رحلة 404، كان معانا مروة عبد السميع واتفقت مع هاني خليفة على الشكل ده، اللى هو يكون حجاب مش متزمت أوى ويليق على الشخصية وأنا كان عاجبنى أوى ولايق جدا معايا، وبتوجيهات هانى خليفة كان أكيد فيه فصل في الشخصيات اللى قدمتها قبل كده بالحجاب والشخصية في الفيلم".
الجدير بالذكر أن أحداث الفيلم تدور حول امرأة لديها ماضى سئ، وتقرير التوبة من خلال لأداء فريضة الحج، لكنها تجد نفسها مجبرة على التواصل مع أشخاص من عالمها القديم لجمع مبلغ من المال، لتخوض رحلة لمعرفة معاني التوبة والتطهر من الذنوب، واختبار ترتيب الدرجات على سلم الخطيئة، صعودًا، أو نزولًا.
