تامر حسني يطرح ”30 حياة” مع مها فتوني بمناسبة عيد الحب
فاجأ النجم تامر حسني جمهوره بطرح أغنيته الجديدة "30 حياة" والتي يقدمها مع الموهبة الشابة مها فتوني وهي أحد اكتشافاته.
الأغنية من كلمات تامر حسني ومؤمن راجح وألحان مودي منير وتوزيع كريم أسامة، أما الإخراج فكان لتامر نفسه.
وجاءت كلمات الأغنية: إنتي الوحيده اللي عارفه مفتاح قلبي فين
وإنت اللي لو قربلي هم بتبعده
بتحسي بيا في أي وقت بكون حزين
طب ما إنت قلبي في عز زعله بتسعده
إنتي الحياة بالنسبة ليا واللي فيها
مش عايزه أعيش لو ثواني مش هشوفك فيها
خد مني عمري يارب كله وإديها
وأنا لو هعيش ٣٠ حياة هفديك بيها
جنبِك أنا بقيت حد تاني أنا معرفوش
وأنا حبيت كل حاجه أولها معاك
بعلنها للعالم وإنتي بين إيديا
إنك هدية ربنا يا حبيبتي ليا
إنتي الحياه بالنسبه ليا واللي فيها
مش عايزه أعيش لو ثواني مش هشوفك فيها
خد مني عمري يارب كله وإديها
وأنا لو هعيش ٣٠ حياة هفديك بيها
