بسبب محمد صلاح| هجوم ناري من عمرو أديب ضد حسام وإبراهيم حسن

انتقد الإعلامي عمرو أديب، حسام حسن وإبراهيم حسن بعد اختيار الثنائي لقيادة منتخب مصر بسبب تصريحاتهم عن محمد صلاح نجم ليفربول والفراعنة.

وقال عمرو أديب في تصريحات تليفزيونية ببرنامج ”الحكاية” عبر قناة “mbc مصر”: ”متحملوناش جِميلة إنه هيعامل صلاح كويس مش جِميلة يعني، طبيعي تعامل صلاح وغير صلاح كويس”.

وتابع: ”معقول يتقال إحنا هناخد بالنا منه بس لازم ياخد باله إحنا بقى ما بندلعش، أنت بتهدد ولا بتطبطب ولا بتعمل إيه”.

وأضاف أديب: “هي جِميلة إنك هتعامل أحسن لاعب في تاريخ مصر كويس؟ جِميلة يعني؟ ده صلاح له وزن زي ما كريستيانو في البرتغال، وزي ميسي في الأرجنتين وزي نيمار في البرازيل”.

وأتم: ”صلاح له كيان له مكانة مينفعش تجيبه من الأول كده تقوله بقولك إيه أنت زيك زي لا مفيش حاجة كده أنا مش زيي زي دول كلهم”.