تجديد حبس سائق فتاة الشروق 15 يوما

جدد قاضي المعارضات حبس السائق المتهم بمحاولة خطف فتاة بطريق السويس فى منطقة الشروق بالقاهرة، 15 يوما على ذمة التحقيقات.

وكانت الفتاة ألقت بنفسها من داخل السيارة وهي مسرعة خشية أن يتحرش بها السائق، ما تسبب لها في إصابات عديدة ونزيف داخلي وكسور وسحجات، وتم نقلها إلى المستشفى على إثر ذلك.

ورصدت أجهزة الأمن بوزارة الداخلية، منشور متداول على نطاق واسع لإحدى قريبات الفتاة: نصه "أنا بكتب الـ post ده علشان أحكي ليكم اللي حصل لبنت عمي علشان أولا عاوزاكم تدعولها ربنا يشفيها ويرجعها لينا بالسلامه حالتها لسه في خطر".

وأضافت: "حبيبه فاقده الوعي وعندها نزيف في المخ مش بيوقف ومحطوطة علي ventilator".

وتابعت: "ثانيا خدو بالكم من نفسكم ومن بناتكم الناس بقوا مؤذيين ربنا يبعد عنا شرور الناس وأن حبيبة أستقلت سيارة من التجمع الأول وكانت رايحة مصر الجديدة الساعه ٦:٥٠ مامتها كلمتها في التليفون مكنتش سمعاها كويس علشان صوت الكاسيت كان عالى اوى والراجل كان بيتخانق فالتليفون.حبيبه طلبت منه يوطي الكاسيت قالها لاء وكان بيبرطم بالكلام مامتها مكنتش سامعة هو بيقول ايه قالتلها ماله ده؟.. حبيبه قالت لها مش عارفه ماله وقفلت بعدها".

ومن جانبها، قامت أجهزة الأمن بوزارة الداخلية بضبط السائق المتهم، والذي قال أنه كان يقوم برش معطر داخل السيارة ففوجيء بقفز السيدة من السيارة.

وتم اتخاذ الإجراءات القانونية حياله وتقديمه إلى جهات التحقيق.