شيرين عبد الوهاب: «كنت بقول لربنا لو ماخدتنيش أنا وبناتي هزعل منك»
تحدثت الفنانة شيرين عبد الوهاب عن تفاصيل الأزمات التي تعرضت لها خلال السنوات الماضية، وكشفت عن ذلك خلال استضافتها في برنامج «بودكاست Bigtime» للثنائي أصالة وعمرو أديب.
وقالت شيرين عبد الوهاب: «لما كانت الناس تشوفني في حفلة ويقولوا مش ده أداء شيرين اللي احنا نعرفها، وفي الوقت ده إحساسهم كان حقيقي لإني ما كنتش طبيعية فعلا، وفي أول حفلة ليا في مهرجان قرطاج لما وقعت فيها على المسرح، بعد أزمتي وقعت وقعة غريبة جدًّا على ركبتي وقعدت فترة أتعالج وما حدش كان يعرف، وكان فيه حاجة غريبة بتحصلي».
وأضافت: «اللي بيأذيني مش حطاه في راسي نهائيا، بس أنا بتأثر جدا، والناس من حقها تعرف أنا كنت تعبانة والظروف كانت معايا صعبة جدا، وفيه أوقات حاولت أموت وكنت بقول لربنا لو ما خدتنيش أنا هزعل منك اوي وخدنى أنا وبناتي علشان أنا مش هعرف أسيبهم في الدنيا لوحدهم».
