شيرين: أقرب الناس ليا طلعوا خونة.. ومفيش أصل ولا عِشرة

قالت الفنانة شيرين عبد الوهاب، إنها تعرضت للخيانة من أقرب الناس لها، معلقة: "كل من كان في حياتي خونة، أقرب وأبعد الناس كانوا خاينين ومفيش أصل ولا عشرة".

وأضافت شيرين، خلال استضافتها ببرنامح "بيج تايم بودكاست"، المذاع على قناة mbc1: "كنت مستنية حد من القريبين ليَّ يبيض وشي وما تهونش عليه العشرة ويتمنى لي الخير ما لقتش كلهم طلعوا خونة، جربت الكل في الامتحان وكله رسب ولم ينجح أحد".

وأضافت: "الفلوس ملهاش علاقة بالتعاسة، أنا شقيت من وأنا عمري 13 سنة ولو كان اللي حواليا بيستثمروا لي فلوسي كان زمان بقى معايا".

وتابعت: "أنا عايشة حياتي ببساطة وما عنديش خدم كل اللي عندي فدانين أرض زارعاهم كل الحاجات اللي بحبها، ولما باكل حتة جبنة قريش كأني باكل كافيار".