فيفي عبده توجه رسالة للسيدات: «كل الرجالة بتخون.. طنشي واعملي نفسك مش عارفة»

حلت الفنانة فيفي عبده ضيفا ببرنامج "حبر سري"، مع الإعلامية أسما إبراهيم، على قناة "القاهرة والناس".

وأشارت "فيفي" إلى أن جميع الأزواج لديهم نزوات ويخونون زوجاتهم، قائلة: "الرجالة كلها بتخون واللي تقول مش بيخون وماشي على الصراط المستقيم مش صحيح، ولابد يكون الراجل عنده نزوات وبتبقى قمر وتتخان والمفروض تعمل نفسها مش عارفة".

وتابعت فيفي عبده: المرأة إذا واجهت الراجل بخيانته أكبر غلط لها في الحياة، مضيفة: "الحياة دلوقت صعبة ونسبة الطلاق عالية جدا وهي حقها تفتش وراها وحقه يخلي باله من مراته، ولكن الست لازم تفهم ولو عرفت أنه بيخونها تطنش"

وأكملت: "الراجل لو بيحب مراته يبيع أي حاجة في الدنيا عشانها لكن هي لازم تستحمل وتعدي، وكان في ناس تحاول تشككني في جوزي ولكن مكنتش بعطي فرصة لكده".