فيفي عبده: طلبت من ولادي يسيبوني يومين لما أموت قبل ما يدفنوني ويتأكدوا إني ميتة
أوصت الفنانة فيفي عبده أولادها بتنفيذ جميع وصاياها بعد وفاتها، بسبب أشياء سمعت بحدوثها وليست واثقة من صحتها.
وكشفت فيفي عبده عن وصيتها خلال لقائها مع الإعلامية أسما إبراهيم في برنامج "حبر سري" المذاع عبر قناة القاهرة والناس، قائلة: "أنا دعيت ربنا ياخدني وأنا ماشية على رجلي محدش يشيلني".
وتابعت: "قلت لولادي لما أموت سيبوني يومين قبل الدفن علشان تتأكدوا إني ميتة فعلا".
وأضافت: "في ناس بتجيلها غيبوبة سكر وبعدين يفوقوا زي ما بنسمع في الميديا، وساعات يقولوا فلان طلع من التربة وطلع مش ميت، واللي طلع بعد أربع أيام، هل ده كلام مظبوط ولا من ضمن الكذب؟".
وردا على سؤال هل تحب الحياة، قالت فيفي عبده: "طبعا بحب الحياة جدا دلوقتي لأني ما شوفتهاش، أنا طول عمري بجري وأشتغل وشقيانة، حتى بلدي صورت في شرم الشيخ لكن ما شوفتش البلد، دلوقتي بشوف بلدي وفيها حاجات حلوة جدا".
