فيفي عبده تروي تجربتها في زيارة الكعبة: الدنيا كانت زحمة والصفوف اتفتحت قدامي بعد دعائي لربنا
تحدثت الفنانة فيفي عبده عن موقف لا تنساه حدث أثناء زيارتها للكعبة في يوم مزدحم بالطائفين، مؤكدة أنها بدأت تتكلم عن أدائها الحج والعمرة مرات عديدة بعد إلحاح الناس في طرح سؤال هل يجوز الحج والعمرة بأموال اكتسبتها من الرقص.
وروت فيفي عبده خلال حوارها مع الإعلامية أسما إبراهيم في برنامج "حبر سري" المذاع عبر قناة القاهرة والناس: "في إحدى المرات كنت بطوف حول الكعبة والدنيا زحمة وأنا لوحدي، وماشية في آخر الصف ناحية الأبواب، ودعيت ربنا يا رب لو بتحبني وراضي عني خليني أمسك الكعبة".
وقالت عبده: "ورب العالمين لقيت المكان اتفتح قدامي، ولقيت نفسي واقفة على الكعبة ومفيش حد زقني، وحسيت برضا من عند ربنا".
وردا على سؤال ما رأيها في سؤال هل الرقص حرام، وهل يجوز الحج والعمرة بأموال كسبتها من الرقص، قالت فيفي عبده: "أنا لا أفهم في الدين ولا في السياسة، أنا رأيي إن الإفتاء في هذا الموضوع للمتخصصين في الدين، وإن الرقص مهنة زي أي مهنة تعبت وشقيت فيها".
وتابعت: "عايزة أقول للناس أنا متجهة لربنا من 37 سنة، وزهقت من الأسئلة كإني أنا اخترعت الرقص مع الفراعنة، أنا مالي أنا طلعت لقيت في رقص، والرقص فن محترم وكما اللغة الإنجليزية لا يمكن الاستغناء عنه على مستوى العالم".
