كنت عايز تخلص على أبو جبل علشان ابنك مصطفى؟ أحمد شوبير يرد بالتفاصيل (فيديو)

رد الكابتن أحمد شوبير، على الاتهامات الموجهة له بإفشال صفقة انتقال محمد أبو جبل للنادي الأهلي عقب إصابة محمد الشناوي، من باب مصلحة نجله مصطفى شوبير بالقلعة الحمراء.

وقال أحمد شوبير خلال لقائه ببرنامج "العرافة" المذاع على قناة "النهار":"مصطفى شوبير بمستواه لو حارس مرمى كويس هيلعب مش كويس مش هيلعب".

وأضاف: "أنا كإعلامي شغلانتي الخبر ولما يكون عندي خبر إن الأهلي وقع مع أبو جبل وأكتب خبر إن أبو جبل أهلاوي حتى نهاية الموسم، ما هو الخطأ عايز أعرف، أنا شغلتي الانفرادات والناس بتجيلي علشان الانفرادات حتى لو حساب ابني والموضوع ملهوش علاقة بالمنتخب".

وتابع: "لاعيبة النادي الأهلي الموجودين في المنتخب محمود كهربا ومحمد هاني بلغوا أبو جبل موعد أول تمرين في النادي الأهلي، ما هو الخطأ بتاع أحمد شوبير".

وأكد: "أنا مقولتش أبو جبل حارس وحش ولا صفقة مش كويسة، ومقولتش على الإطلاق أنه عامل مشاكل مع اللاعبين ولكن ما قولته إن الشناوي مبيرتاحش مع أبو جبل ومش هغير كلامي".

وأشار: "أنا بقول انفرادات في الزمالك والإسماعيلي والمحلة والبنك الأهلي وكل حتة، ولما قولت محمد صلاح مصاب وهيغيب 3 ماتشات عن ليفربول محدش في العالم كتبها إلا أنا والناس فضلت تضحك عليا وطلعت المعلومة صح".