محمد رمضان عن ”جعفر العمدة 2”: أنا ضد الأجزاء التانية وأريد تحديا جديدا
علق الفنان محمد رمضان على تراجع المخرج محمد سامي عن تقديم جزء ثاني من "جعفر العمدة" مشيرا لعدم تقبله للأجزاء الثانية.
وأكد محمد رمضان في حواره مع برنامج "سينماتك" السعودي: "أنا لو كل نجاح عملته، عملتله جزء ثاني، يبقى كل أعمالي هعملها جزء ثاني".
وقال محمد رمضان: "أنا ضد الأجزاء التانية مبيدينيش حافز وعايز أعمل شخصية جديدة، عايز أعمل شخصية جديدة الجمهور يتعاطف معاها. عايز أدخل تحد جديد وأعمل شخصية تصدقها وتحبها ويتأثر بيها ويتعاطف معاها".
وأضاف محمد سامي: "اتناقشت أنا ومحمد رمضان وقلت له أن رأيي إني نجحت خلاص هنا وبقى حاجة في تاريخنا حلوة، وقت مسلسل "الأسطورة" نجح نجاح هايل وطلبوا نعمل جزء تاني، أستاذ عادل إمام اللي بنضرب بيه المثل عمل 6000 حاجة مختلفة ونجح فيها".
وأكمل محمد سامي: " محمد رمضان كان يخشى من إفساد نجاح الجزء الأول وليه يفضل يتقارن، لكن خضت تجربة وكتبت من الجزء الثاني من جعفر العمدة 17 حلقة لكن محبتوش".
يحضر حاليا محمد رمضان لفيلم "أسد أسود" للمخرج محمد سامي ويشارك في بطولته رزان جمال، خالد الصاوي وماجد الكدواني ومن تأليف محمد دياب، شيرين دياب وخالد دياب.
