مخرج اللمبي 8 جيجا: محمد سعد ما أخدش حقه.. ودخلت في صدمة بسبب المليجي

علق المخرج السينمائي أشرف فايق، على أعمال الفنان محمد سعد وخاصة دوره في فيلم «اللمبي 8 جيجا»، وتحدث عن الفنان القدير محمود المليجي ودوره في تأسيس صالون «كلام في السيما».

وقال أشرف فايق خلال لقائه مع الإعلامية دينا رامز والإعلامي شريف نور الدين مقدمي برنامج «أنا وهو وهي» المذاع على قناة صدى البلد، «اتربينا على إن الواحد لازم ينزل بنفسه يروح يقطع تذكرة الفيلم من السينما ويروح في معاده، مش زي دلوقتي، لإن السينما دلوقتي أصبحت محصورة في الجانب الكوميدي».

وتابع فايق: «الناس لما جت تصنف فيلم «اللمبي 8 جيجا» بطولة الفيلم محمد سعد؛ لم يتم تصنيفه على أنه فيلم كوميدي، ولكن قالوا عليه إنه بيحمل رسالة مهمة جدًا، ومن الصعب أن يتم مزج الشجن بالكوميدي في نفس المشهد»، معقبًا «النجم محمد صعد مخدش حقه لحد دلوقتي على الرغم إنه يعتبر فنان شامل وكبير».
وعن مشكلة عدم معرفة الفنان محمود المليجي، أردف أشرف فايق قائلاً: كنت بدرس في محاضرة مع مجموعة زملاء لي قبل تأسيس صالون «كلام في السيما»، وقولت "إيفيه" للفنان محمود المليجي، لقيتهم بيقولولي مين محمود المليجي ده! وده ضايقني جدًا وكان الشرارة اللي حمستني لفكرة الصالون.