الإعلامية أميرة بدر: عمرو دياب لا يجيد التعامل مع الناس

وجهت الإعلامية أميرة بدر رسالة عتاب للهضبة عمرو دياب، وألقت بجانب من اللوم عليه في الأزمة التي حدثت قبل أيام، عقب قيامه بصفع معجب حاول التقاط صورة معه.

وقالت أميرة بدر خلال تقديمها برنامج "خلاصة الكلام" المذاع عبر قناة النهار: "الخلاصة إن الفنان الكبير عمرو دياب غلطان جدا بشكل كبير، وهو لا يجيد التعامل مع الناس".

وأضافت: "رؤيتي الشخصية إن عمرو دياب مش مطرب الناس كلها، وبشوفه مطرب نخبة من الناس، وممكن يكون واحد زي عصام صاصا مسموع في الشارع المصري أكثر من عمرو، ولكن عمرو عند ناس كتير جدا ذكريات، ولا توجد مناسبة تفتكرها إلا وعمرو شريك فيها بأغانيه".

وتابعت: "عمرو شخص ذكي جدا بدليل قدرته على البقاء على القمة كل هذه السنوات، لكنه مش ذكي في التعامل مع الناس، وحصل كذا موقف على مدار الشهور الماضية تعامل فيها مع الناس بطريقة مش كويسة".

ووجهت أميرة بدر رسالة للشاب الذي تلقى صفعة عمرو دياب قائلة: "إنت كمان غلطان، وعمرو مش ماء المحاياة علشان تقاتل لهذا الحد علشان تتصور معاه، وإنت مش معزوم على الفرح ودخلت ونفسك تتصور مع الفنانين، تقوم تطلع على المسرح مع عمرو والعريس والعروسة وتشده جامد، مش كل الناس ممكن تتقبل ده".