لوسي ترفض تحريم الرقص وتوضح مميزات الكبارية
حرصت الفنانة لوسي على الدفاع عن مهنة الرقص، مؤكدة على أنها ترفض فكرة الحكم عليه بكلمة حلال أو حرام، إذ قالت: «كل العوالم فيها كل حاجة في الحلال وفي الحرام مبنسألش بقى، الرقص متقدرش تقول حلال ولا حرام، دكتور أمراض النسا حلال ولا حرام؟ متقدرش تقول الجملة دي جملة مستفزة».
وأضافت لوسي خلال لقاء لها مع برنامج «عندي سؤال»: «الحرام اللي هو الزنا والقتل والنصب والسرقة والاغتصاب، الحرام كتير جدا وبيبقى في الخفى لكن الحلال دايما في النور، والرقص مش في أوض النوم الرقص على المسارح والأفراح وأكبر الأماكن في أوروبا، أنا عندي شهادات إني أحسن سفير لبلدي في الأخلاق والفن والاحترام، لو دخلنا في حتة الحلال والحرام عايزالها برامج وناس مشرعين».
وتحدثت لوسي عن الأشياء الجميلة في «الكباريه»، إذ قالت: «أجمل ما في الكباريه الناس اللي جايالك تتفرج على شغلك واستعراضاتك وتسمع صوتك وتشوف أدائك، والرزق للناس اللي حواليك».
