ننشر وصية الفنان تامر ضيائي بعد وفاته

أعلن اليوم الأربعاء، الفنان محمد علي رزق، عن وفاة الفنان تامر ضيائي، ما أحدث صدمة كبيرة في الوسط الفني وأثار حزنًا عميقًا في قلوب الجمهور.

ونشر رزق الخبر الحزين على حسابه الشخصي في موقع فيسبوك، حيث عبّر عن حزنه العميق ودعا الجميع لقراءة الفاتحة والدعاء للفقيد بالرحمة والمغفرة.

توفى الفنان تامر ضيائي في وقت مبكر من اليوم، وذلك بعد صراع مع المرض، كان ضيائي قد تعرض لجلطة وتلقى العلاج في إحدى المستشفيات، ولكنه للأسف فارق الحياة.

وعبّر الفنان محمد علي رزق عن فقدانه صديقه العزيز وكتب على فيسبوك بكلمات مؤثرة عن مرورهما بتجارب ولحظات مميزة.

وكان آخر أعماله مسلسل "عملة نادرة" الذي حقق نجاحًا كبيرًا، حيث جسّد دورًا مميزًا إلى جانب نخبة من الفنانين الموهوبين.

وصية الفنان الراحل تامر ضيائي

1- صلاة الجنازة أهم من العزا وهي إللى كل ما العدد زاد كل ما ثوابى ما كان أكتر، فأرجوكم تصلوا عليا.

2- مش شرط تيجى العزا ويا ريت لو اتعمل ي البيت أو مكان بسيط بفلوسه تطلعولي صدقة جارية أفضل.

3- من فضلكم لم يثبت أو يتفق عليه، عمل خاتمة قرآن للمتوفى إنها هتوصله، بس مثبت إن الدعاء والصدقة بيوصلوا للميت، فرجاء دي بالذات بلاش وادعولى الوقت اللى هتقروا فيه جزء فضوا نفسكم واقعدوا ادعوا فيه.

4-بلاش صدقة جارية تقليدية وسهلة، ومش مستفاد بيها، يعني المصاحف كتير في مصر أوي، وكل بيت فيه كتير، فممكن نحط الفلوس في جامع بيتبنى أو كرسي متحرك في مستشفى، يستفادوا بيه المرضى أو دخول مياه لبيت غلابة، أو بناء سقف لبيت فقراء، حاجات ناس تستفيد بيها لمدة طويلة.

5-أهم حاجة تاني هي الدعاء وبس والصدقة.

6- من فضلكم تكثفوا الدعاء وقت نزول القبر، وتتصدقوا بأي حاجة بنية إن ربنا يجعل قبري روضة من رياض الجنة ويثبتني عند السؤال، لأن ده أهم وقت ليا، ويا ريت كمان بعد ما تدفنونى تقعدوا معايا شوية ومتستعجلوش تمشوا عشان تونسونى في ليلة زي دي.

7- الموت علينا كلنا حق، واحنا كلنا أمانات ربنا، وهيردنا تاني، فالحزن على الفراق هونوه على نفسكم بالدعاء ليا، عشان أبقى في سعادة لحد ما أقابلكم تاني.

8- اللي بيحبوني يدعوا لى كتير عشان لو مفيش حد يدعيلي.

9- ودى مهمة أوى أوى أوى عاوز الكل يسامحني على أي حاجة عملتها فيه بقصد أو بدون قصد.