كزبرة يتحدث عن نتيجة الثانوية العامة
أوضح الفنان أحمد بحر كزبرة أنه سعى لتحقيق حلمه، وذلك بعد أن حصل على مجموع غير جيد في الثانوية العامة، لكنه قرر أن يواصل حلمه بعد تركيزه وثقته في نفسه.
وكتب أحمد كزبرة على خاصية القصص القصيرة بموقع الصور الشهير إنستجرام: «يوم النتيجة بيفكرني بأصعب أيام حياتي زي النهاردة أنا كنت جايب 67% في الثانوية عامة وساعتها المجموع ده مكنش أحسن حاجة وقولت الحمد لله وساعتها قولت أنا هفضل مركز في الحاجة اللي بحبها ومحدش كان مصدقني وأقرب الناس ليا ودعيت ربنا إنه يكرمني وميأستش».
وتابع: «الحمد لله وصلت لأول سلمة من حلمي السنة دي بعد ما اتمرمط سنين وانتقادات توصل الواحد إنه ينتحر فأنا حابب أقولكم إن الدنيا حلوة وربنا أكيد ليه حكمة في اللي بتحصل وبيدي كل واحد على قد تعبه فمحدش ييأس والدنيا موقفتش وتقدر تثبت لنفسك ولكل اللي حواليك إنك تقدر تنجح وربنا يكرم الجميع».
واستكمل: «بالنسبة للناس اللي نجحت وجابت مجموع اللي نفسها فيه مبروك وربنا يكتب للجميع الخير والنجاح الدايم».
