ماندو العدل يعلق على منع عرض فيلم الملحد
حرص المخرج محمد العدل التعليق على قرار الرقابة للمصنفات الفنية بحذف فيلم الملحد من جدول عروض وأفلام دور لعرض السينمائي المصري حتى إشعار آخر، وذلك على الرغم من أنه كان من المفترض أن يتم طرحه في دور العرض مساء اليوم الأربعاء الماضي 14 أغسطس.
وكتب ماندو العدل: "بعتذر لكل اصدقائي اللي عزمتهم علي العرض الخاص لفيلم الملحد.. العرض مش هيتعمل في ميعاده.. والفيلم مش هينزل في ميعاده.. والحقيقة معرفش ليه … الإجابة عند السيد الرقيب علي المصنفات الفنية … الفيلم جاهز للعرض.. وانتهت جميع مراحله من مونتاج ومكساج وتصحيح ألوان و الرقابة اديتله ترخيص بالعرض بعد شهور من المشاهدات".
وتابع: "بل وصل الأمر إني نزلت صورت مشهد مضاف والمنتج احمد السبكي صرف كتير على دعاية الفيلم في الشوارع بناءا علي هذا الترخيص.. ورجع شال الدعاية تاني للأسف ودي خسارة فادحة وده ينفي تماما الهراء بتاع أصل الصناع بيعملوا دعاية رخيصة للفيلم … ومرفق مع البوست صورة الترخيص وصورة إجازة الرقابة للسيناريو.. اللي لأول مرة الرقابة تكتب في الورقة الأخيرة للسيناريو ما يشبه الشكر والتوضيح.. وده نص ما كتب على الورقة الأخيرة (الفيلم لا يشوه الدين الإسلامي قط بل يكشف الحجاب عن بعض الذين يفسرون الإسلام على أهوائهم)".
الفكرة هتوصل هتوصل بإذن الله عاجلا أو آجلا.
