سماح أنور: كل ما بتروحوا لدكتور التجميل بتزدادوا قبحا

أبدت الفنانة سماح أنور رأيها في انتشار عمليات التجميل بين جميع فئات الشعب، معبرة عن رفضها لها.

وعلقت سماح أنور من خلال فيديو عبر حسابها بموقع فيسبوك: "ربنا مخليك في أبهى وأحلى صورة، لكن انت قررت، استغفر الله العظيم، ربنا معملنيش في أحلى صورة ولا حاجة، لأ دكتور التجميل دا هو اللي هيخليني في أبهى صورة، كل ما بتروحوا لدكتور التجميل بتزدادوا قبحا".

وأضافت سماح أنور: أبويا كان بيقول لي كدة زمان، قبل التطور دا كله، كانت أمي مابتعملش الحاجات دي خالص، كانت زي القمر، وكان ناس كتير يقولوا لها ما تعملي رقبتك، وكانت تقول لهم ماينفعش حد يلعب في شغل ربنا ويحسنه لازم هيبوظه، وأنا شايفة كدة لحد انهاردة، كل الناس اللي عملت تجميل أنا شايفة انهم كانوا أحلى مليون مرة.