حسن شاكوش: عمرو سعد خد مني فيلم الغربان
قال مطرب المهرجانات الشعبية أنه كان سيقدم بطولة فيلم الغربان بدلًا من الفنان عمرو سعد، وذلك عبر لايف على صفحته الشخصية بموقع تبادل الصور والفيديوهات إنستجرام.
وتابع حسن شاكوش، : "لو الفنان عمرو سعد بيشوفني أنا مصرحتش قبل كده ولا قولت إنك خدت فيلم الغربان مني، مع أن الفيلم كان بتاعي أنا مضيته وكنت بطل الفيلم وصورت فيه وعملت برومو".
وأضاف حسن شاكوش: 'أنا مضيت مع الشركة وقعدت 3 شهور بتدرب مع حصان وضرب مع مدرب، وسافرنا سيوة وكان معانا الفنانة عائشة بن أحمد، ويشرفني أن عمرو سعد يعمل الفيلم لأنه فعلا مش عايز أي حد يعمله".
وأردف: "أنا لما مضيت وصورت وعملت البرومو، تفاجأت أن في ممثلين تانيين صوروا ومشيوا، وكنت المفروض هسافر روسيا علشان عايزين ثلج في التصوير، وكل شيء قسمة ونصيب".
وختم: "أنا قُلت مش هعمل زي ناس تانية وأدخل في التمثيل والغناء مع بعض وأفشل في التمثيل، لأ أنا عايز أدخل وأنجح، واتعرض عليا حاجات كتير ومش همثل غير لما يجيلي حاجة تليق بيا، ومش عايز أعمل حاجة فاشلة تتحسب عليا".
