حمو بيكا لـ عمر كمال: «مع السلامة يا أصحاب مزيفة»
هاجم مغني المهرجانات صديقه المطرب عمر كمال، بعد طرح اغنيتهما الجديدة «مستفزة»، وذلك من خلال فيديو نشره على حسابه الرسمي عبر موقع الصور الشهير «إنستجرام».
وقال خلاله: «من شهر عمر كمال جابلي شاعر وقالي عاوزين نعمل أغنية جديدة وفعلًا وافقت وخلصنا الأغنية وهي جاهزة من شهرين أو ثلاثة، قولتله هننزل الأغنية إمتي قالي انا عندي أغنية مع شيماء المغربي هنزلها وبعدين هننزل باغنيتنا دي، وأول لما نزل الأغنية باركتله وشيرتها عندي».
وأضاف: «انتظرت ٢٠ يومًا وكلمته تاني قالي لما أرجع من السفر هكلمك ولكن اتفاجئت إنه قام بطرح أغاني جديدة له ولم يهتم باغنيتي أو يرد عليا، قابلته في عيد ميلاد أحد أصدقائنا وقولتله عاوزين ننزل الأغنية قالي ماشي ولكن بردو علي اتصالاتي مرة أخري واتصلت بيه اكتر من ٦ او ٧ مرات».
واختتم حمو بيكا، حديثه قائلًا: «يا خسارة العيش والملح اللي كلتوا معاك، أنتوا ميمشيش معاكوا الإنسان الطيب، ومتفكرش لما تنشر الأغنية دي أنها هتروح، أنا ممكن أخش امسحها دلوقتي ولا يهمني مع السلامة يا صحاب مزيفة».
