هجوم عنيف من محسن صالح على نجوم الأهلي السابقين
شن محسن صالح، رئيس لجنة التخطيط السابق بالنادي الأهلي، هجومًا على بعض لاعبي الأحمر السابقين، بسبب عدم تواصلهم معه، رغم دفاعه عنهم في الكثير من الأحداث.
قال محسن صالح في تصريحات تلفزيونية: "حزين من عصام الحضري، انا اتهاجمت كتير عشانه، لكن بيحاول ينكر أفضالي عليه وأنا مش عارف ليه يعني! يشوف الكابتن فكري صالح، يقول هو اللي اكتشفني، كان يقابل الراحل حسن مختار، يقول هو اللي اكتشفني".
أضاف: "حزنت من عدم وفاء عصام الحضري، يعني بعد ما وصلت وعملت كل حاجة، إيه اللي يمنع تقول إن أنا اللي اكتشفتك، وحزين من تجاهل بعض اللاعبين الذين اكتشفهم وعدم تواصلهم معي".
تابع: "مندهش من عدم تواصل محمد بركات، معي فهو بمثابة ابني، أنا بحب بركات، ولكن مبسمعش صوته خالص".
