«شميت حشيش واتمنيت الموت».. أبرز تصريحات حورية فرغلي في كلمة أخيرة
حلت الفنانة حورية فرغلي، ضيفة ببرنامج "كلمة أخيرة"، الذي تقدمه الإعلامية لميس الحديدي، على قناة أون، وتحدثت عن رحلتها العلاجية والعمليات الجراحية التي خضعت لها، فضلا عن تعرضها للتنمر.
وجاءت أبرز تصريحات حورية فرغلي، كالتالي:
- مكنتش بشم ولا أعرف أنا بأكل إيه، ولما رجعت أشم بعد خمس سنين شميت حشيش.
- فكرت أني ممكن أكون السبب في كورونا عشان ربنا يساعدني وألبس ماسك.
- عملت 17 عملية تجميل ودفعت 5 ملايين جنيه على العمليات وبيعت فيلتي.
- كنت بقول لربنا ماترجعنيش ملكة جمال أنا عايزه أشم واستطعم بس.
- أنا مش متجوزة ومش هتجوز لأن مفيش واحد عاوز واحدة مبتخلفش.
- كنت بسأل نفسي أنا عايشة ليه وكنت بتمنى الموت كل يوم.
- كل أصحابي تخلوا عني وبقيت وحيدة واشتريت كلاب عشان أحس أني محبوبة.
- كنت بتجنب أشوف شكلي ومش بطلع بره أوضتي، فقدت الثقة في نفسي، وكانوا بيقولولي أنتِ شبه مايكل جاكسون.
- آخر حاجة كنت بفكر فيها أن شكلي يرجع كويس.
