زيزو: أبوجبل مستمر مع الزمالك وبن شرقي يرغب في التجديد
أشاد أحمد سيد زيزو لاعب الزمالك ومنتخب مصر، بالحارس الدولي محمد أبوجبل زميله في الفريق، مشيرا إلى أن المستوى الممتاز الذي قدمه مع الفراعنة في بطولة أمم إفريقيا بالكاميرون، أمر طبيعي.
وأضاف زيزو خلال تصريحات تلفزيونية: "محمد أبوجبل مكنش مفاجأة في البطولة، هو حارس كبير وعنده ثقة في نفسه، وأنا متوقع أنه يعمل ده، ولما حد كان بيكلم عليه كنت بأروح أوضح له وأقول له دا الطبيعي ده مستواه".
وتابع: "أبوجبل متكلمتش عن التجديد للزمالك قبل بطولة أمم إفريقيا، بس هو عايز يقعد في النادي".
وأضاف: "كلمت بن شرقي، وهو عايز يجدد مع الزمالك"، متابعا: "كل واحد عنده أهداف وطلبات، وده حقه هو محترف وله طلبات، وحقه يطلب اللي عايزه، هو مترباش في الزمالك، بس بيحب النادي، لكن لو طلباته مش موجودة خلاص".
