الدفاع يواجه شاهد النفي بأسئلة عن مدى علاقة علاء حسانين بتجارة الآثار
تواصل محكمة جنايات القاهرة المنعقدة بمجمع محاكم العباسية، برئاسة المستشار خليل عُمر، نظر جلسة الاستماع إلى شهود النفي، خلال محاكمة حسن راتب وعلاء حسانين و٢١ آخرين في قضية "الأثار الكبرى".
تعقد الجلسة برئاسة المستشار خليل خضر، وعضوية المستشارين مصطفى رشاد عبدالتواب ومحمد شريف صبري وعوني محمد مطر، وسكرتارية محمد عبدالعزيز وحمدي درويش.
سؤال طارق جميل سعيد دفاع المتهم علاء حسانين لشاهد النفي الأول.
س/ هل علاء حسانين قالك إنه بيشتغل في الآثار؟.
ج/ أنا لما توسطت للحل بينه وبين حسن راتب قالي على موضوع الآثار لكن أنا مشوفتش علاء بيتاجر في الآثار، وساعتها معرفش كان الكلام على محمل الجد أو بيهزر.
وأضاف، لما توسطت وروحت علشان أحل المشكلة اتصدمت من كلامه، ونقلت الكلام لحسن راتب، لكن لو في أي مشكلة بينهم مكنش علاء أخدني علشان أروح أشهد في المحكمة.
س/ هل أثير أمامك في أي من جلسات الصلح أي شيء عن الآثار؟.
ج / أنا لما روحت النيابة علشان يسألوني مكنتش أعرف أي حاجة، ولو كنت سمعت إنهم بيتاجروا في الآثار كنت هقول في النيابة الكلام ده.
س/ أين يقع المكان الذي تم التقابل فيه مع علاء حسانين للتوسط بين حسن راتب؟.
ج/ مش فاكر لأن الكلام كان من 5 سنوات.
