ميدو: الزمالك أصبح ”ثكنة عسكرية”.. وهذا ما كنا نحلم به

أشاد أحمد حسام "ميدو"، عضو لجنة التخطيط السابق بنادي الزمالك، بالحالة الانضباطية التي يشهدها الفريق الأول لكرة القدم بالنادي، مؤكدًا تفاؤله بمستقبل الفريق تحت النظام الجديد.

وكتب ميدو عبر حسابه على منصة "تويتر": اللي بيحصل في الزمالك دلوقتي عظمة.. وطول عمري بحلم إن فريق الكورة يتقفل عليه ويبقى معسكر الزمالك كأنه ثكنة عسكرية، وأنا متفائل خير إن فريق الكورة على الطريق الصحيح."

وأضاف: "بقالنا سنين بنعاني من تسريب أخبار الفريق، وبقالنا سنين بنعاني من الناس اللي فاكرين الزمالك ورث شرعي، وإن الشغل فيه حق مكتسب حتى لو ما عندكش أي مؤهلات."

وأشار ميدو إلى أنه لا يتواصل مع أي مسؤول داخل النادي حاليًا، مؤكدًا على حياده التام في هذه المرحلة، حيث قال:

"أنا والله ما ليا مصلحة مع أي حد جوه النادي دلوقتي، ولا حتى بتكلم مع أي حد جوه النادي.. لا بكلم حد ولا بيرد عليا حد، وقررت إن الفترة الحالية أرجع مشجع بس، أروح ماتشات الزمالك من غير ما يكون بيني وبين أي مسؤول في النادي أي كلام."

واختتم تصريحاته قائلًا:"كمشجع زملكاوي، أنا مبسوط جدًا ومتفائل إن إن شاء الله الزمالك بنظامه الاحترافي الجديد هيكون منافس قوي على كل البطولات اللي هيشارك فيها الموسم ده."