ياسمين الخطيب: أنا بحب الرقص الشرقي ومش ماسكة عصا الأخلاق على حد

أكدت الإعلامية ياسمين الخطيب أنها لا تنصب نفسها رقيبة على الناس أو حَكَمًا على أخلاقهم، مشيرة إلى أنها تحب فن الرقص الشرقي وتستمتع بمشاهدته، خاصة لفنانات مثل فيفي عبده ودينا.

وقالت الخطيب خلال برنامجها "مساء الياسمين" المذاع على قناة الشمس: "أنا مش ماسكة للناس عصا الأخلاق والقيم، أنا بحب الرقص الشرقي وبحب أتفرج على اللي بيقدموه زي فيفي عبده ودينا، ومش ضد ده أبدًا."

وأضافت: "لكن اللي بتقدمه بوسي الأسد مش رقص خالص، وبتلبس لبس مبتذل جدًا. أنا معنديش مشكلة تعمل ده في ملهى ليلي، لكن لا يمكن اعتباره من فن الرقص الشرقي."

وأشارت الخطيب إلى أن الرقص الشرقي فن عريق له قواعد وأصول، ويجب الفصل بين تقديمه كفن راقٍ وبين استغلاله بشكل مبتذل لا يليق.