شوبير يكشف تطورات تجديد عقود إمام عاشور وأليو ديانج مع الأهلي
كشف الإعلامي أحمد شوبير، حارس مرمى الأهلي ومنتخب مصر السابق، عن مستجدات مفاوضات النادي الأهلي مع الثنائي إمام عاشور وأليو ديانج لتجديد عقديهما خلال الفترة المقبلة، في ظل سعي إدارة القلعة الحمراء لتأمين بقاء العناصر الأساسية بالفريق.
وقال شوبير، خلال تصريحاته الإذاعية صباح الأحد، إن النادي الأهلي فتح باب التفاوض مع إمام عاشور لتجديد عقده رغم تبقي 3 سنوات على نهايته، مؤكدًا أن سياسة النادي تعتمد على التحرك المبكر لضمان الاستقرار الفني.
وأضاف:"الأهلي قرر البدء في تجديد عقد إمام من بدري، لأنه مفيش حاجة بقت مضمونة في الكورة دلوقتي، زمان اللاعب كان بيمضي على بياض، إنما دلوقتي الموضوع اختلف والاحتراف هو اللي بيتحكم".
وحول مستقبل أليو ديانج، أوضح شوبير:"الملف ده الأهلي مستعجل فيه، لكن قرر ينتظر لما بعد بطولة كأس الأمم الإفريقية علشان يحسم مصير اللاعب بشكل نهائي".
وأشار :"اللاعب اللي بياخد قرشين طبيعي يطلب ضعفهم، دي مش مشكلة، لكن في لاعيبة تانية زي كريم فؤاد الدنيا ماشية معاهم بسهولة ومفيش أزمات مالية".
واختتم شوبير تصريحاته مفجّرًا مفاجأة، قائلًا:"وارد جدًا الأهلي يكون خلص تجديد عقود لاعيبة بالفعل، لكن مستني التوقيت المناسب للإعلان، وده شيء طبيعي جدًا في إدارة ملفات الكورة".
