أمير كرارة: بصور مسلسل رعب من 10 حلقات

كشف الفنان أمير كرارة عن تفاصيل مسلسله الجديد الذي انشغل بتصويره في الفترة الماضية، خلال لقائه في برنامج "صاحبة السعادة".

وأوضح كرارة أنه يعمل على مسلسل يتكون من 10 حلقات، ويتميز بطابع رعب وإثارة مختلف عن الأعمال السابقة، حيث قال: "إحنا رايحين لحتة أكتر فيها رعب، معندناش حاجة اتعملت زي دي غير حاجتين مثلاً الفترة اللي فاتت. فيه رعب رايحين في سكة مختلفة، غير الكوميديا زي 'البعبع' و 'الشاطر'".

وأضاف: "قصة 'النداهة' حاجة أسطورية طول عمرنا كنا بنسمع عنها، والمرة دي هنشوفها بشكل مختلف خالص. مفيش أكشن في المسلسل كله، كانت تجربة مختلفة بالنسبة لي وحاسس أنها هتعجب الناس، حاجة تنزل في الشتاء تحب تتفرج عليها".

وعن تجربته في التصوير، ذكر أمير أن المخرج محمد بكير عبّر عن سعادته بمشاهد المونتاج، وأكد له أنه يظهر بشكل مختلف في المسلسل. كما أكد أنه تمتع بمساحة كافية لتقديم تمثيل ومشاعر عميقة.

وفيما يتعلق بموسم رمضان، أوضح كرارة أنه يعتزم المشاركة في عمل جديد، لكنه حذر من الاشتراك في أي مشروع لا يرقى إلى مستوى توقعاته، حيث قال: "عندي مسلسل إن شاء الله في رمضان اللي جاي، بس لو حسيت أن المسلسل مش قوي أو مش هيلقش بالمشاهد، أنا مش هشتغل. قررت مش هعمل حاجة غير لما يكون المسلسل كويس والناس تنبسط بيها".