إيناس عزالدين: ستر ربنا نجاني من غيبوبة سكر وأنا سايقة

كشفت المطربة إيناس عزالدين عن تعرضها لموقف خطير أثناء قيادتها للسيارة، حيث كادت تدخل في غيبوبة سكر لولا لطف الله وتعاملها السريع مع الموقف.

وكتبت إيناس على حسابها الشخصي في فيسبوك: "ستر ربنا نجاني من غيبوبة سكر كنت هدخل فيها وأنا سايقة، الحمد لله وقفت على جنب وتعاملت مع الموقف بحكمة غريبة عليا الصراحة."

وأضافت: "ستر ربنا ده عظيم جدًا، ولو بصينا وفكرنا في كل يوم بيمر علينا هنلاقي مليون موقف كانوا مستحيل يعدوا من غير ستر ربنا علينا، الحمد لله دائمًا وأبدًا."

وفي سياق آخر، أعلنت إيناس عزالدين عن إجراء عملية عاجلة في عينها نتيجة خطأ طبي تعرضت له مؤخرًا. ونشرت صورة تظهر إصابة عينها، حيث علقت قائلة: "عملية عاجلة في عيني وأنا عندي فوبيا من عمليات العيون، وفكرة أني أشوف بيحصل إيه في عيني حتى لو تحت التخدير مخلياني جسمي بينتفض والله."

وتابعت: "دخلت جراحات كتير لكن ببنج كلي، وما عنديش فوبيا من الجراحات عموماً إلا في العين. فكرة جراحة وأنا صاحية ومفتحة في عيني وأشوف الإبر وكل حاجة بتدخل في عيني مموتاني."

اختتمت إيناس بالقول: "ادعولي تعدي على خير وربنا يقويني، لأن فعلاً مش قادرة أوصف الحالة اللي أنا فيها. كل ده بسبب خطأ طبي ومتابعة خاطئة كمان، حيث أكدت الدكتورة أن عينك زي الفل وتتحسن، والجرح قفل، ولكن حالتي كانت تتدهور يومًا بعد يوم من مشكلة بسيطة بشهادة كل الدكاترة."