محمد الدماطي يوجّه رسالة مؤثرة لزملائه في مجلس إدارة الأهلي: ”ذكريات لا تُنسى”

وجّه محمد الدماطي، عضو مجلس إدارة النادي الأهلي، رسالة خاصة ومؤثرة إلى عدد من زملائه في مجلس الإدارة، معبرًا عن امتنانه وتقديره لما قدموه من جهود كبيرة في خدمة القلعة الحمراء خلال السنوات الماضية.

وشملت الرسالة التي نشرها عبر حسابه الشخصي على موقع "فيس بوك"، كلًا من: الدكتور محمد شوقي، والدكتور مهند مجدي، والدكتور محمد سراج الدين، والمهندسة مي عاطف، حيث تحدث عن كل منهم بكلمات صادقة نابعة من القلب.

وقال الدماطي:"كلمتين حقيقي من القلب لزملاء عشت معاهم سنين طويلة من الذكريات، وعشان حقيقي مش عارف أبدأ بمين..." وبدأ بالحديث عن المهندسة مي عاطف، قائلًا:"مي عاطف، الهادية الطيبة اللي كنت ساعات بحسدها على هدوء أعصابها، مي اللي اتطورت على مدار 4 سنوات بشكل حقيقي مبهر لينا كلنا، وأكيد حنفتقدها."

وتحدث عن الدكتور محمد شوقي قائلًا:"المعجون بحب الأهلي، الراقي والشيك، اللي حيوحشنا بكل تأكيد."

ثم انتقل للحديث عن الثنائي مهند مجدي ومحمد سراج الدين، قائلًا:"الواحد مش عارف يقول إيه ولا يعيد إيه عليهما، عشرة 8 سنين من الأيام الحلوة والوحشة، الانتصارات والانكسارات، شوفنا كل حاجة مع بعض من الأول."

وأضاف عن مهند مجدي:"الدينامو، رفيق الكرسي اللي جنبي أول 4 سنين، الشغف والتفاصيل اللي مش بيزهق منها."
وعن محمد سراج الدين قال:"رفيق الكرسي اللي جنبي الـ4 سنين اللي بعدهم، القلب الأبيض والعفوية والحماسة والضحك، الزمالة اللي قلبت صحوبية وأخوة."

واختتم الدماطي رسالته قائلًا:"صعب أوي تتخيل ترابيزة مجلس الإدارة من غيرهم، بس هي دي سنة الحياة، أجيال بتسلّم بعض، وبنفضل كلنا ورا النادي اللي بنحبه... بيتنا الكبير."