بتروجت: «لم نتعنت في ملف انتقال حامد حمدان.. والأولوية لرغبة اللاعب»

أكد محمد أيمن، المشرف العام على الكرة بنادي بتروجت، أن إدارة النادي لم تتعنت في ملف انتقال اللاعب الفلسطيني حامد حمدان، مشيرًا إلى أن رغبة اللاعب هي المعيار الأساسي في أي مفاوضات تتعلق برحيله.

وقال محمد أيمن، في تصريحات عبر برنامج اللعيب: "كنت بقول متحرموش حامد حمدان من اللعب للزمالك، وأكدت إن أهم حاجة بالنسبة لينا في أي عرض هي رغبة اللاعب الشخصية، مش اسم النادي أو الجهة اللي مقدمة العرض".

وأضاف المشرف العام على الكرة ببتروجت، قائلًا: "الموضوع مكنش فيه أي تعنت أو إجبار إن حامد يفضل موجود جوا الفريق أو ميمشيش في توقيت معين أو يروح لنادي معين، مفيش أي نوع من أنواع الكلام ده".

وأتم محمد أيمن، تصريحاته قائلًا: "قلت سابقًا إن في اتفاق مبدئي مع الزمالك على انتقال اللاعب في يناير، لكن آلية التنفيذ ممكن تتغير شوية، ولسه مفيش خطوات إيجابية لحد دلوقتي، ممكن الملف يتفتح قريب، والأهم إن اللاعب اعتذر وبيقدّم أداء قتالي مع الفريق".