طارق يحيى: «لا ننتقد حسام حسن.. لازم ندعم المنتخب قبل أمم إفريقيا»
أشاد طارق يحيى المدير الرياضي لفريق أهلي بني غازي الليبي بفوز منتخب مصر على نيجيريا وديا بهدفين مقابل هدف استعدادًا لبطولة كأس الأمم الإفريقية.
وقال يحيى في تصريحات مع سهام صالح ببرنامج الكلاسيكو على قناة أون: "تجربة نيجيريا جيدة للغاية، كنا لازم نلاعب فرق كبيرة ومصنفة."
وأضاف: "سمعت أن الناس مش عاوزة تلاعب المستويات دي عشان خايفين أنهم يمشوا، ده عيب."
وتابع: "مع احترام لهاني أبو ريدة، مينفعش أجيب جهاز لمنتخب مصر على خلاف مع حسام حسن، وشايف أن ده مقصود جدًا."
وواصل: "إزاي المنتخبين يكونوا رايحين المغرب، ده يسافر بطيارة وده يسافر بطيارة تانية؟ ده اسمه كلام."
وأشار يحيى إلى أهمية التنسيق: "كان لازم يكون في جلسة بين الاثنين، ولو كان في تنسيق مكتاش، ما كناش ظهرنا بالشكل ده. لازم ندعم المنتخب وكلنا نكون ورا المنتخب ونبعد عن أي ترصد لحسام حسن، ده مصر يا جماعة."
وشدد على استمرار حسام حسن: "لازم حسام حسن يكمل لكأس العالم مهما كانت النتائج في أمم إفريقيا. المغرب قعدت عشرات السنين عشان تظهر بالشكل ده، إحنا فين من التخطيطات دي؟"
واختتم حديثه: "الناس بتقول إحنا مش عاوزين حسام، إحنا مش بنحب حسام، مش عارف إيه.. اللي بيتعامل بالكلام ده، ده إنسان تافه."
