محمد عبد الجليل: «أداء منتخب مصر أمام زيمبابوي ليس مرضيًا.. ومحمد صلاح ليس ساحرًا»
تحدث محمد عبد الجليل، نجم الكرة المصرية السابق، عن فوز منتخب مصر على نظيره زيمبابوي، ضمن منافسات بطولة كأس الأمم الإفريقية.
وقال عبد الجليل، في تصريحات لسهام صالح ببرنامج الكلاسيكو على قناة «ON»: «الناس قاعدة لحسام حسن ومستنية له على الغلطة، وفيه ناس بين الشوطين كانوا بيقطعوا».
وأضاف: «الأداء مش أفضل حاجة، لكن عرفنا نكسب، ومع ذلك الصحف كلها أشادت بينا، وأول مرة أشوف لاعيبة تضيع الكورة في السما بالشكل ده».
وتابع: «اللاعب بيخلص الماتش ويفتح موبايله يشوف الناس على السوشيال ميديا بتقول إيه، إحنا مش أقوياء قوي ومش ضعاف قوي».
وأردف: «الناس عايزة صلاح يكون ساحر، يا إما يجيب جول يا إما يصنع جول، لكن محمد صلاح مفيش كورة بتطلع من رجله غلط».
وأكمل: «اتفاجئت بتواجد إمام عاشور في التشكيل الأساسي، خاصة إنه راجع من إصابة كبيرة، لكن في التدريبات بيبقى مغري وبيبان إنه أفضل لاعب، وده سبب مشاركته».
واختتم عبد الجليل تصريحاته قائلًا: «عجبني رد فعل إمام عاشور بعد تبديله، وده دليل على الكِبر والنضج، لكن حسّيته من أول لمسة مش قادر، وجلوس مصطفى محمد على الدكة برضه عليه علامات استفهام».
