السيسي للمواطنين: «وفروا فلوسكوا بدل ما تبنوا على الأرض الزراعية»
وجه الرئيس عبد الفتاح السيسي، رسالة مهمة إلى المواطنين الذين يقومون بالبناء على الأراضي الزراعية.
وقال السيسي، خلال كلمته بافتتاح عدد من المشروعات القومية: "لما الدولة تعمل حاجة بتاخد بأساليب العلم والتخطيط السليم، وبتنفذها بالشكل اللي بيتلائم مع إمكانيات الحياة، لكن لما المواطن يبني من غير ما يقصد بيبني بيته وخلاص، لكن باقي الناس هتعيش ازاي".
وتابع السيسي: "أنا شايف أن كل واحد معاه قرشين بيبني حاجة، لو معاك قرشين حطهم في البنك بدل ما تبني على الأراضي الزراعية".
وأكمل السيسي: "الأرض الزراعية دي أرض بتتروي براحة، لازم نحافظ عليها، إحنا قادرين كدولة إننا نلبي مطالبكوا، ليه الناس بتبني كده، بلاقي البيوت كتير جدا وعالية وتلات أرباعها فاضي، اللي عمل كده بتضيع فلوسك ليه، وفروا فلوسكوا".
