ناهد السباعي: «جدتى هدى سلطان احترمت عمرها وكل أدوارها»
قالت الفنانة ناهد السباعى: «جدتي هدى سلطان احترمت عمرها، وكل أدوارها، وأنا شخصيًا مش عاوزة أكبر وأفضل فى المرحلة العمرية دى، وبخاف أكبر، لكن هى كسرت القاعدة دى، ونفسى أحب كل المراحل العمرية ليا زيها»
وتابعت : «برة فى العالم بيكبروا ويكتئبوا، هى حبت كل مرحلة، وهى أم وجدة، هى عظيمة جدًا بكل ما تحمله الكلمة من معنى، وكمان تبقى ممثلة ومغنية بالقوة دى، كان نفسى أخد منها كل حاجة».
وأكدت ناهد السباعى، خلال ندوة توقيع كتاب «10 نساء في واحدة» عن هدى سلطان في إطار تكريمها بالدورة الحالية لمهرجان الأقصر للسينما الأفريقية: «الناس لما تشوفنى بتسألنى ليه بتقدمي أعمالا فنية قليلة، عشان بحب كلمة أنتى وحشتينى».
وأوضحت: «زمان كان أفلام المرأة كتير، لكن دلوقت بقى معندناش أفلام للمرأة".
وأشارت إلى أن بالرغم من أدوار الإغراء اللى قدمتها كانت دائما تقول أول ما الشمس تنزل لازم نرجع البيت و ندخله، كانت جميلة أوى، وجدتى كانت مش بتحب تغنى فى الأفراح، لكن أفراح العيلة غنت فيها كلها.
جدير بالذكر أن مهرجان "الأقصر للسينما الإفريقية" يقام من 4 إلى 10 مارس، واختار مجلس إدارته دولة أوغندا لتكون ضيف شرف الدورة 11، والمهرجان تقيمه وتنظمه مؤسسة شباب الفنانين بدعم من وزارات السياحة والٱثار والثقافة والشباب والرياضة والخارجية المصرية، وبالتعاون مع محافظة الأقصر ونقابة المهن السينمائية ويترأس المهرجان السيناريست سيد فؤاد ومديرته المخرجة عزة الحسيني.
