تطورات الحالة الصحية للفنانة غادة عادل

احتل اسم الفنان غادة عادل خلال الساعات الماضية قائمة الأعلى بحثًا على «جوجل»، وذلك بعد أن تعرضت إلى أزمة صحية دخلت بسببها لإحدى المستشفيات الخاصة.

وقالت غادة عادل في تصريحات تلفزيونية: «أنا دايمًا باقول لأولادي مش بحب تكون أخبارنا الخاصة على السوشيال ميديا لكن أول إمبارح كنت في أوحش وقت، ومش حاسة بالدنيا وبترعش والحرارة مرتفعة ومش بتنزل من 3 أيام وفيه مشكلة في الدم، فأولادي اتدمروا نفسيًا، وجالهم إحساس أن لو الناس اللي بتحبني عرفت ودعت لي ربنا ممكن يستجيب، وفعلًا دعاء الناس اللي خففني تاني يوم علطول».

وتابعت: «الحرارة نزلت بالليل، وبعد ما اتخنقت قررت أخرج من المستشفى، وهعمل آخر تحليل بكرة، وباخد المضاد الحيوي في الوريد، وعروقي اتدمرت ومبقاش عندي عروق، ولا عندي دم، وكل حتة في عروقي مبتنزلش دم، المشكلة لما كنت في مصر جالي حرقان وانسداد في المثانة، وماهتمتش وكنت باشتغل، المشكلة ظهرت على الكلى وطلعت على الدم».

وأضافت: «وأول لما وصلت لندن بالصدفة ظهرت المشكلة ومعرفتش أمشي، وأنا بحط رجلي على الأرض، والبكتيريا كانت وصلت للدم.. بس مش لدرجة التسمم لأننا لحقناها الحمد لله أني بقيت كويسة، وعرفت أني غالية عند ناس كتير».