ناهد السباعي: «زمان أيام الأبيض والأسود فرصة النجمات كانت كبيرة»
يقيم مهرجان الأقصر للسينما الأفريقية، اليوم الثلاثاء ، ندوة التحديات التي تواجه المخرجات السينمائيات ، ضمن فعاليات دورته الـ11، وذلك بحضور الفنانة سلوى محمد علي الفنانة ناهد السباعي والفنانة بسمة .
وفي بداية اللقاء سأل المخرج هشام فتحي النجمات عن صعوبة امتهان المرأة للتمثيل، حيث قالت سلوى محمد علي:" بالنسبة ليا كان دخول مجال الفن سهل والتمثيل حلم لكل الناس إحنا الفنانين عندنا الجرأة أن إحنا بنقول إحنا بنمثل، الفن مهنة ذكورية وكل الممثلات بتشتكى من فرصة الحصول على دور له قيمة وعدم حصول الفنانة على دور مميز ".
وقالت ناهد السباعي :" دخول الفن كان بالنسبة ليا صعب و اشتغلت على نفسى عشان بشتغل مش عشان أهلي، خدت ورش كتير منها مع أستاذ خالد جلال و في كورسات في أمريكا وكان معنديش هدف تاني غير إني أكون ممثلة أو مخرجة".
وتابعت :"زمان أيام الأبيض و الأسود فرصة النجمات كانت كبيرة و كان في موضوعات كتير وكل نجمة ليها أفلام لوحدها أنا معرفش ايه السبب إن دلوقتي مش عارفين نبقى زى أفلام الأبيض والأسود وكل نجمة يبقى ليها أفلام لوحدها والفن مهنة ذكورية و زمان الست كانت واخده فرصتها في الدراما المصرية".
