نصيحة من ياسمين عز لعريس قصر البارون «فيديو»
استنكرت الإعلامية ياسمين عز، حالة الجدل والهجوم الذى طال الفنانة شيرين عبدالوهاب وعريس قصر البارون، قائلة: «حزب أعداء الحياة والجماعة اللي مش بيعجبهم العجب سابوا كل الطاقة الإيجابية اللي في الفيديو وقعدوا يتريقوا على العريس».
وأضافت «عز»، خلال تقديمها برنامج «كلام الناس» المُذاع عبر فضائية «إم بي سي مصر»: «الناس قعدوا يتريقوا على العريس ويقولوا هي عروسته مش مالية عينه ولا أيه، معقبة: «انتوا عايزين ايه، يا جماعة؟ الراجل في فرحه ومبسوط أن نجمته المفضلة بتغني ليه».
وتابعت: «العروسة كانت مبسوطة وباين عليها الفرحة والسعادة، ليه فيه بعض الناس عايزين يوقعوا بين العريس والعروسة، مردفة: "بقول للعريس خد بالك هيوقعوا بينك وبين عروستك، كان لازم تعيط بدل ما ترقص وتضحك».
