إلهام شاهين تفجر مفاجأة عن حقيقة خلافها مع الراحل جلال الشرقاوي

فجرت الفنانة إلهام شاهين، مفاجأة مدوية عن خلافها مع المخرج الراحل جلال الشرقاوي، قائلة:" : "اللي زعل أستاذ جلال إني جالي منتج ومضاني على فيلم مع الفنان محمد صبحي، وهو كان في خلاف معاه وقتها، وقالي ازاي، وطلب إن محدش يخش لي تاني".

وأضافت شاهين، خلال حوارها لبرنامج «العرافة»، على قناة المحور، مع الإعلامية بسمة وهبة ، قائلة:" حصلت بيننا حرب كبيرة على إني معملش الفيلم ده، لدرجة إنه قالي هنتج أفلام وجاب لي فيلمين مع 2 مخرجين كبار، وطلب مني أعتذر عن هذا الفيلم ، معقبة:" جايز يكون بيحبني".

وتابعت: "الموضوع تطور لمد الايد، مكنش في حالة كويسة، أنا ممكن أرد على حد قوي أو موجود، لكن الله يرحمه دلوقتي مش موجود بيننا، وقعدنا منسلمش على بعض لأكتر من 20 سنة، لكن اتصالحنا أيام الإخوان، كلمني واعتذر لي، وقالي أنا معاكِ بسبب هجومهم عليّ".

وعن تصريحاته بأنها تستقبل رجالا في غرفة نومها بالمسرح، ردت شاهين ، قائلة : "هو انا رايحة أنام في المسرح، عادي جدا في المسرح والاستديو إني أستقبل ضيف، وهو نفسه أستقبل سيناريست ومرة منتج ومرة مخرج ومرة فنان، يعني مش واحد صحبي بيجيلي كل يوم".